Pro 27 | ZomZIV | STEP | Zingciang kimasialhpih kei in, ahang in ni khat in bang piang ding cih na thei kei hi.

Proverbs 27

1 Zingciang kimasialhpih kei in, ^a
ahang in ni khat in bang piang ding cih na thei kei hi. ^b
2 Nang kamin kiphat kei inla, midang kiphatsakzaw in;
nang muk hi loin midang khatpeuh hizaw hen. ^c
3 Suangtum gik a, sehnel vangik ahi hi; ^d
mihai khat hehsakna tuate gel sangin gikzaw hi.
4 Hehna gamhtat a, lungsona in hong tuamcip hi,
hazatna kua’n thuak zo ding hiam? ^e
5 A simthama itna sangin a langtanga
taihilhna hoih zaw hi.
6 Lawm khat in hong liamsak leh hong deihsakna hi thei-a;
gal khat in hong biangtawp leh hong lehbawlna ahi hi. ^f
7 A gilvahte in khuaizu kih a,
a gilkialte in akha nangawn khum sa hi.
8 A inn pana vakthapmangte
a bu haih vasa bang ahi hi. ^g
9 Paknamtui le gim namtui in mihing lungsim nuamsak a, ^h
i lawmte khat in deihsaktaka hong kuppihna pan nopna hong phul hi.
10 Na lawmpa mangngilh ke’n la, na pa’ lawmpa zong mangngilh kei in;
tuahsiatna in hong vat ciangin na sanggampa inn ah pai kei in -
gamlapi a om sanggampa sangin i kianga om innvengpa hoihzaw hi.
11 Ka tapa aw, pil inla, ka lung nuamsak in; ⁱ
tuateh kei hong simmawhbawlte ka dawng thei ding hi. ^j
12 A kidawm thei mi in launa mu in bu-a,
mimawl in ahileh phusuakin thuaklawh hi. ^k
13 Khualmi khat tangin mawlawhtawi nadinga a piak puansilh la inla,
uklah numei tawh a kiciamna ahileh tua adingin koih in. ^l
14 Mi khatin a vengpa zingkhangpi in
aw ngaihtak tawh thupha a piak leh a hamsiatin kisang ding hi.
15 Kitot hat zi in guahciin ni-a
inn kehkeh tawh kibanga; ^m
16 tuanu khoh in - huihpi khoh ahikeh
khut a sathau pham tawh kibang hi.
17 Sik in sik mah hiamsak a,
mi in mi mah hiamsak hi.
18 Theikung cingte in a gah ne dinga, ⁿ
a pu a kemte kipahtawi ding hi.
19 Tui in maitang a leng kik bangin
mihing lungsim in a mi mah leng kik hi.
20 Sihna le suksiatnate ^{▼▼27.20 Hebrew ah Sheol le Abaddon} in phazosak hun nei lo a, ^p
mihing mit zong tuaci hi. ^q
21 Sik huantuina ah ngun, pummei ah kham kizia-et a;
mihing ahileh a ngah phatna pan kizia-et hi. ^r
22 An suk bangin mihai khat sum ah
na suk hangin a haina na kolhsak kei ding hi.
23 Na tuuhonte omzia hoihtakin thei inla,
na bawnghonte hoihtakin kem in;
24 ahang in, hauhna kipden lo a, ^s
kumpi lukhu zong khang tawntungin a kipsuak kei hi.
25 Lopa keu kihahsiangin a thak po a;
mualtunga lopate a kikhop ciangin
26 tuuhonte in puansilh hong guan ding uh a,
keelte in na lo man hong pia ding uh hi.
27 Nang le na innkuanpih kivak nading le
na nasem numeinote kham dingin
keelnawi tampi na nei ding hi.